مصطفى محمد يكتب: قانون ساكسونيا

كتب : السبت 02-11-2019 15:38


فى عام 2002 نشب حريق قطار العياط الشهير وفى عام 2004 كنت فى رابعة جامعة وكنت متحمس أوى ومستنى الكام شهر اللى فاضلين عشان أبقى صحفى بقى وأكسر الدنيا وأحنا فى مشروع التخرج إقترح علينا مشرف المشروع الأستاذ كمال عبد الرؤوف مدير تحرير أخبار اليوم الأسبق رحمة الله عليه أن نعمل مشروع التخرج مجلة إسمها " الناس" تمس وجدان الناس وتقترب من مشاكلهم بشكل حقيقى وكلفنى أن أقوم بعمل مغامرة فى قطار الدرجة الثالثة لأرصد هل تغير الوضع فى القطارات أم لا ذهبت إلى أرشيف مؤسسة أخبار اليوم ودونت كل حوادث القطارات التى وقعت فى مصر منذ إنشاء السكك الحديدية وركبت قطار من محطة الجيزة يوم خميس لأن قطار الصعيد يكون مزدحم أكثر فى محطة الجيزة مقارنة بمحطة مصر فى رمسيس وبالطبع يوم الخميس صعب جدا فى السفر .. ركبت القطار ورأيت قصص مؤلمة أصعب من أن أشرحها .. كوميديا سوداء منها على سبيل المثال لو تتذكروا سبب حريق قطار العياط سخان شاى لأحد باعة الشاى فى القطار رأيت فى القطار بائعى الشاى كثيرين والباعة بشكل عام منتشرين مقابل أرضية خمسة جنيهات للكمسرى أحدثك فى 2004 لك أن تحسبها بقى أرضية البائع كام دلوقتى وكله فى جيب الكمسرى.. أحنا شعب متفرد فى الفلهوة ..من كام يوم كنت راكب أتوبيس النقل العام بتاع إمبابة ..6أكتوبر الكمسرى فجأة إختفى وأحنا فى الحى ال11 ببص لقيته هو اللى بيسوق فإستغربت وقولت طب تعالالى فى الواسع بقى مسكته سف طول الطريق قعدت وراه وعليت صوتى وقولت أول مرة اشوف أتوبيس نقل عام بطىء كده هو الأتوبيس عليه أقساط راح قاللى جرى أيه يا أستاذ قولت له ده أنا لو جبت إيسل بنت اختى هتسوق اسرع من كده راح قال ربنا يخلى إيسل روحت خنقت عليه وقولت إنت مالك حسستنى إنك واحد من العيلة كده راح التفت وقاللى جرى ايه يا ذوق ..استعبطت عليه قولت ايه ده الكمسرى لونفسك تبقى سواق أتوبيس البنك الأهلى ممكن يجيبلك أتوبيس تخيش بيه لوحدك ..استنى بقى أناهأصورك يابرنس وانشرها فى الجورنال ..السواق والكمسرى ياذوق كده هتقطع عيشنا .أنا بعلمه السواقة كل يوم فى الحتت الرايقه..رديت عليه وقولت له وماله يا أخويا مش عيب
الأخ مرتضى منصور من فترة طرح عضويات مخفضة عندنا لأعضاء نقابة الصحفيين قالك بقى اعمل لوبى وأخلى الصحفيين يطبلوا فى أى حاجة اعملها ولما الدنيا مامشيتش زى ماهو عايز قلب ع اللى إشتراكوا ..أنا قلتها زمان مرتضى وأمثاله المفروض يتعدموا على خازوق مكهرب
• 
يعنى شوال الرز تركى أل شيخ صرف وكلف وإشترى كلمات ركيكة ومبتذلة ونسبها لنفسه وعمل ألبوم لعمرو مصطفى لقح بيه على الخطيب وقال له لعبت مع الأسد وبشكل متوازى مرتضى يهاجم الخطيب وقبل ما يلعب لعبة السنة اللى فاتت ويميل ع شوال الرز يدعم الزمالك شوال الرز صالح الخطيب يعنى تخيل يامرتضى لما عيل فى دور عيالك بيغسل فلوسه فى بريطانيا وبيبعترها شمال يزهق منك ويلعب بيك الكورة اييييييييه دنيا ملحوظة الخطيب قذرزيك بس على أشيك
بصفتى عضو فى نقابة الصحفيين أرفض شكلا موضوعا التصالح مع مرتضى منصور وموقفى منه لا ولم ولن يتغير
وفخور بموقف إبن دفعتى عضو مجلس نقابة الصحفيين المحترم محمود كامل عاش يامحمود
الكمسرى ومرتضى منصور والبنا كلهم فاسدين البلد دى حالها مش هيتصلح غير لما نطبق القانون ونقتل قانون ساكسونيا ..قلتها مرارا وتكرارا لو فضل قانون ساكسونيا مسيطر هنعانى من قانون الغابة اللهم بلغت اللهم فأشهد
الإنسان هو سبب تعاسة نفسه .. الإنسان هيستريح لما يبطل يكدب على نفسه ويهرب من أوهامه ويواجه نفسه بالحقيقة ..الناس بتتأخر لما بتعيش أسيرة لفكرة ومبتعرفش تتخلص منها الناس هتستريح لما تصدق إنك إنسان تصيب وتخطىء يعنى الحاجة اللى إنت كنت بتحبها أومبهور بيها من 13 أو 15 أو 20 سنة عادى جدا إنها متبقاش بتشكلك دلوقتى أى أهمية وإنك بتقعد تضحك إنك فى يوم من الأيام كنت عايزها 
أرائنا بتتغير كل ما السنين بتمر بيك و كل مابتكبر قناعاتك وإختياراتك بتتغير .مرتضى منصور عامل زى واحدة عايشة فى الوهم فاكرة إنها ملكة جمال الكون وعندها كاريزما جبارة مع إن محدش طايقها كل ماتشوفها تديها على عينيها وهى تفرح وتفتكر التهزيق ده حب وتقول زى الفنان محمد لطفى" وبخنى بموت فى الشتيمة"
كلمة أخيرة
لو عايز تبقى إنسان ناجح فى حياتك إطلب الطلب مرة واحدة بس

التعليقات