مصطفى محمد: يكتب أنا مش مغرور

كتب : الثلاثاء 08-10-2019 03:12


بقعد أضحك لما بلاقى ناس بتقول عليا مغرور وبسأل نفسى طب ليه ده أنا حتى دايما بقول إنى أقل الناس والناس كلها على عينى وراسى ..طب أيه اللى خلى الناس تاخد الإنطباع ده برجع وبقول يمكن علشان رغم إنى إجتماعى جدا بس فى حالى طول الوقت بركز مع نفسى وفى طريقى حتى فى أبسط الأشياء يعنى حتى لما بلاقى خناقة فى الشارع مش بقف اتفرج معملتش حاجة فى حياتى زيادة عن حد أى حاجة إيجابية إتحققت فى حياتى إتحققت بفضل المولى عزوجل ومساندة ودعم ودعاء المحبين ..عمرى ماكدبت على نفسى ولا اللى حواليا بشوف إن الكدب ده ضعف ..واضح جدا مع نفسى ومع اللى حواليا يعنى لو أنا مش عايزك فى حياتى هأخرجك منها تماما مش هأوارب الباب خلاص قضى الأمر فى حاجات فى حياتنا مينفعش فيها الحلول الوسط أبسط حقوقى أختار مين يبقى فى حياتى ومين يخرج بره .. ده مش معناه إن حياتك واقفة عليا الحياة عمرها مابتقف على حد ياعم الحاج ..مش هأنافقك وأقولك إنت اللى مفيش منك أتنين هأنصحك بينى وبين عشان تعدل من بعض اللى الحاجات اللى مش عجبانى فيك وده لأنى بحبك ..للأسف ده خلانى مع الوقت حتى مبعرفش أجامل المجاملات اللطيفة ..إنت كإنسان كل واحد هيشوفك وهيكون رأيه فيك من منظوره في اللى هيحترم وجهة نظر وشخصيتك وفي اللى هيتفنن فى إنه يخترع عنك قصص من وحى خياله فى ناس هتبقى متيقنه تماما إنك مش مغرور لكن هيحبوا أن يروجوا لكده يمكن عشان هما مش بيحبوك فعايزين يخلوا الناس تكرهك زيهم وماله ..الإنسان الناجح مش بيشغل نفسه بمين قال ومين عاد بيسيب أفعاله تتكلم عنه والحقيقة لازم تبان مهما طال الزمن

التعليقات

التعليقات مغلقة.