محمد حسن يكتب :ضريبة حياة
من واحنا صغيرين كنا بنسمع المقوله الشهيره اتعب دلوقتى علشان ترتاح بعدين اتعب في المدرسه علشان تدخل كليه محترمه تدخل الجامعه اتعب دلوقتى علشان تلاقي وظيفه محترمه تخلص الجامعه تدخل الجيش و برضو نسمعها علشان تخلص جيش و تعمل حاجه من اتنين ياتسافر بره يا تشتغل في مجال غير مجالك ولو اشتغلت في مجالك تقبل المعادله الصعبه اللى هى (ساعات عمل كتير و مرتب ضعيف )
تحرق زهره شبابك و عمرك في وظيفه ١٢ ساعه و مرتبك يخلص قبل نص الشهر فتشتغل شغل اضافي او تعمل قرض و تعمل مشروع كمثال اوبر و كريم اكتر من ٢٠٠ الف شخص باعمار مختلفه اشتروا عربيات قسط يشتغل عليها و يحقق لنفسه دخل و يغير معدل العمل ٢٠٠ شخص يعنى ٢٠٠ اسره مستقبل جيل كامل معرض للقتل او السرقه و يدمر حال اسره
الكابتن هاني شاكر شاب من المنيا معروف باخلاق وسط قريته لسه متجوز من أقل من سنه و مراته حامل في اول مولود ليهم اشتغل في اوبر بعربيه جبها بالقسط و في احد شوارع مصر الجديدة تعرض للقتل بمنتهى القسوه بعدد من الطعنات و العربيه اتحرقت .
حادثه كابتن هانى لم تكن الاولى حسب زمايله تكررت اكتر من مره في اماكن مختلفه و متفرقه لذلك لجأ كابتن اوبر الى عمل صفحه باسم (كلنا كابتن هانى شهيد لقمه العيش )للمطالبه بحقه و مطلبه بتامين سائقين الشركه و الحفاظ عليهم
الدور الجاى على مين فينا بكره لما كل اللى بنطلبه لقمه العيش تبقي الضريبه حياه
التعليقات
التعليقات مغلقة.
