مصطفى محمد يكتب : حكايتى مع الكلاب

المقربون منى عارفين إنى سريع جدا فى الجرى  وبشكل عام الجرى رياضتى المفضلة  بس للأسف فى أوقات كتير مش بعرف أمارس الجرى عندى فى المنطقة مشكلة انك تبقى معروف فى منطقتك لما بفكر انزل أجرى الف واحد بيوقفنى فى حاجة ياأخويا..مع مين ياحبيب أخوك  واقعد احلف 100 يمين إن مفيش حاجة  ..يطلع واحد يقولك يابا الحوار براك شاور إنت ومالكش فيه ..وده  خلانى اختار انسب وقت للجرى بعد صلاة الفجر بس كانت بتقابلنى مشكلة.. الكلاب كانت بتقطع نفسى أول مايشوفونى يجروا ورايا بالمشوار بس مع الوقت قدرت اتعود وغصب عنى بقيت سريع جدا فى الجرى ماهو لو وقفت إنت متخيل  المنظر طبعا  وعلى ذكر الكلاب وأنا فى تانية إعدادى روحت أوصل اختى الصغيرة مدرستها  اللى كانت فى أولى إبتدائى ومدرستها فى سوق خضار وبتدخل الساعة السادسة والنص صباحا وكنت لسه مصلى لقيت كلب عمال ينكش فى اللى رايح واللى جاى روحت ماسك راس كرنبه وبعد ماوصلت اختى قرب منى الكلب روحت حدفته براس الكرنبه وعينك ماتشوف إلا النور عضنى من رجلى ومشى زعلان  روحت خدت الحقنة وقولت ياواد خليك إنت احسن خدت كيس فاكهة وزورت الكلب  مرضيش يقابلنى ومراته قالتلى إنه قافل على نفسه ومش عايز يكلم حد  أنا قولت ضميره انبه عشان عضنى أتاريه جاله إكتئاب عشان عضم رجلى معجبهوش وقال عضمه وجعللى سنانى

الديلرز بيعانوا منى معاناة صعبة أوى زمان وأنا فى  تانيه ثانوى ديلر طلعلى وأنا مروح وقاللى كيميا يابرنس قولت له لأ حضرتك أنا أدبى   قاللى إنت هتستعبط ياض قولت له أنا واخد البيئة والجيولوجيا مادة علمية ..صرخ وقال أرحم دين أمى وأنا فى الجامعة قابلنى ديلر قاللى بنى ولا أبيض يابرنس قولت له مينفعش أبيض على بنى راح قاللى هو أيه ده قولت له النسكافيه قاللى جرى أيه يابرنس قولت له ياعم أنا مش بشربه بلاك  ..أيييييييييييه الله يرحمهم ماتوا مشلولين