أسامة عبد الحق يكتب:عم رزق الحلاق

كتب : السبت 24-08-2019 14:43

 
وانا صغير كنت اروح احلق عند عم رزق الحلاق اول ما ادخل يحطلي الخشبه علي الكرسي عشان كنت قصير ويقعدني ويقولي دقيقتين هتغدي وكل مره بالصدفه يكون الغدا بطاطس مهروسه لحد ما جيت في يوم وسالته هو انت كل اكلك بطاطس مهروسه قالي انا باكل بطاطس مهروسه عشان اروح الجنه وربنا يأكلني كل حاجه بحبها قولتله انا كمان هاكل بطاطس مهروسه عشان اروح الجنه قالي يابني ملكش دعوه بيه انا باكل بطاطس عشان انا صايم قولتله الله انت بتاكل وانت صايم خلاص انا هصوم وهاكل بطاطس قالي يابني ارحم اللي جابوني انا باكل بطاطس عشان ادخل الجنه لكن بسببك هتوديني امن الدوله قبل ما تيجي خلي ابوك يقولي اجيبلك حلاق مسلم ويعمل حسابك في الغدا 
ومات عم رزق وانا زي ما انا معرفش افرق بين مسلم ومسيحي طالما الاتنين بياكلو بطاطس مهروسه

التعليقات