مصطفى محمد يكتب :إنتى جايه تشتغلى أيه ..

كتب : الخميس 15-08-2019 09:13

إذا كان يستفزك فى أعضاء مجلس النواب أدائهم المخزى فى المجلس وعجرفتهم فى التعامل مع الجمهور  فهذا يستفزنى أنا أيضا ويستفزنى أكثر المسئولين عن مكاتب السادة النواب  حيث يحضرنى المشهد الشهير فى مسرحية " إلا خمسة " بين  الراحلة مارى منيب وعادل خيرى عندما قالت له إنتى تشتغلى أيه  فيرد عليها " سواقه " أى سائق ..النائب من دول يجيب واحد صايع  يلمعه فى المنطقة ويسوق له العربية  ويخش على الفيس بوك يتكلم عن إنجازاته اللى مش موجودة لأ  ويقول على نفسه الصحفى فلان والإعلامى علان  وسيادة النائب وعد وأوفى  وياخد مرتب عشرة ألاف فى الشهر وسيادة النائب يظبته سفريات إلى الخليج وسلملى على ليالى الانس فى دبى يبقى عيل مالوش قيمة فى المجتمع وبيشحت من الناس أصواتهم ساعة الإنتخابات  ولما يبقى مدير مكتب النائب يتعامل مع الناس بمنتهى العجرفة  ده فى نائب فى الفيوم عامل توكيل لمدير مكتبه يحضر الجلسات بداله وبيختم بالختم بتاعه ياحلاوووووووووة 

التعليقات