مصطفى محمد يكتب : كل سنة وإنت طيب

كتب : الأربعاء 14-08-2019 00:57

عيد الأضحى ليه ذكرى مهمة مش بقدر أنساها مهما مرت السنين من 31 سنة وبالتحديد وأنا عندى 5 سنوات والدى جاب خروف عشان ندبحه ولأنى طول عمرى إجتماعى وطول عمرى بحب الحيوانات ولأنى برضه خيالى نشأت بينى وبين الخروف صداقة قوية جدااا- كنا زمان بنحب نربى طيور وحيوانات أرانب- حمام – المهم نرجع لحكاية الخروف جه ميعاد ذبحه ووالدى جاب الجزار اللى هيدبحه وأنا عرفت وبهدلت الدنيا ومسكت فى خناق الراجل وطبعا ذبحوا الخروف غصب عنى ودخلت فى نوبة بكاء هيسترية حزنا على الخروف عم مكرم جوز خالتى هو الوحيد اللى قدر يهدينى لما اقنعنى اننا ناخد بصمات الجزار ونطلع على القسم
الله يرحمك ياعم مكرم وكل سنة وانتم طيبين 

كلمة أخيرة 

آري في عينيك الغني عن الناس وفي قربك الاكتفاء،، فلا أجمل منك ولا شئ أسعد مني حين أكون بقربك ❤️

التعليقات

التعليقات مغلقة.